Bieber-a’n a tour cancel chhan a sawi dawn

Tour kal lai a cancel thut avangin miin mak an ti a, zawhna an zawt a, mahse a chhang lo. Justin Bieber hian zawhna a chhan loh hi a la chhang dawn.

Justin Bieber-a’n tour a neih lai mekin a cancel thu a puang chhuak thut a, chawlh hahdam a mamawh niin an sawi. Ṭhenkhat chuan thlarau lam nuna intuaithar a duh vang niin an sawi bawk. A chhan

chiang tak a sawi chhuah loh avangin mi tam takin Justin Bieber hi zawhna an zawt a, mahse chhânna a pe lo. A ngawi reng tura an ngaih tawh laiin Bieber-a manager Scooter Braun chuan Bieber hi a inpeih veleh a insawifiah ang tiin a sawi chhuak.

Scooter Braun chuan Justin hi tunah chuan a la inpeih chiah lo tih a sawi a, chuvang chuan a tour cancel-na chhan pawh a inpeih hun nghah a ngai a ni a ti. Bieber-a’n tour a cancel hnu hian ticket an lo hralh lawk tawh pawh an thlengtir leh vek a ni.