Foo Fighters an rawn kir
Foo Fighters chu kum 2014-a 'Sonic Highways' hnua studio album an tihchhuah tawh loh hnuah album thar an rawn tichhuak a, an album thar hi a ropui hle a, Billboard 200 chart-ah pawh pakhatna a rawn luah nghal thei.
Foo Fighters hian an album thar ‘Conrete and Gold’ hmangin Billboard 200 chart-ah pakhatna an rawn luah nghal. He album hi kum 2011-a Wasting Light album hnua Billboard 200 chart-a pakhatna an luah lehna hmasa ber a ni. ‘Concrete and Gold’ hi kar liam ta chhung khan copy 127,000 zet an hralh a, heng zinga copy 120,000 lai hi album pangngai a ni.
‘Concrete and Gold’ album hi Foo Fighters tan Billboard 200 top 10-a lang thei an album pariatna a ni. Kumin chhunga rock album tihchhuah, pakhatna luah thei pangana a ni. LCD Soundsystem album “American Dream”, Brand New album “Science Fiction”, Arcade Fire album “Everything Now” leh Linkin Park album “One More Light” te chu a hmaa pakhatna lo luah tawhtute an ni.
Lil Uzi Vert-a album ‘Luv is rage 2’ chu pahnihnaah a la awm thei a, he album hi copy 50,000 hralh a ni. A hmaa pakhatna luahtu, Thomas Rhett album ‘Life changes’ chu pathumnaah awmin copy 39,000 a hralh leh.
Billboard 200 chart
“Concrete and Gold” - Foo Fighters (127,000)
“Luv Is Rage 2” - Lil Uzi Vert (50,000)
“Life Changes” - Thomas Rhett (39,000)
“DAMN.” - Kendrick Lamar (34,000)
“17” - XXXTENTACION (33,000)
“American Teen” - Khalid (31,000)
“Love Yourself ‘Her’ “ - Bangtan Boys (31,000)
“Evolve” - Imagine Dragons (28,000)
“Did It for the Party” - Big & Rich (27,000)
“Stoney” - Post Malone (26,000)