DDK leh MDM huaihawt Circle of Music Meet 2022 zaninah

Doordarshan Kendra, Aizawl leh Music Domain Mizoram General Headquarters ṭangkawp chuan zanin dar 7:00 hian DD Mizoramah Live Telecast-in MDM Circle of Music Meet 2022 an hmang dawn a, zaithiam tak tak zai ngaihthlak tur a awm ang.

Covid-19 hripui len hma kha chuan MDM hian kum tinin an member-te pualin 'MDM Circle of Music Meet' hun an hmang ṭhin a, programme hlimawm tak takte buatsaihin khawpui pawn hmun thengthaw nuam deuhahte hun an hmang ṭhin a ni. Kuminah erawh DDK nen thawkhoin hun an hmang dawn a, DDK Studio Durtlangah darkar hnih chhung hun an hmang dawn a ni.

MDM chuan zanina an hun hman tur chungchanga thuchhuah an siamah zaithiamte leh rimawi tumtute tana hamṭhatna awm thei ang dap chhuah zel an tum thu an tarlang tel a, Mizo ṭhalaite tana hmasawnna tur rahbi pawimawh tam tak hmachhawp an nei mek tih an tarlang bawk.

Mizo Idol host zei tak Angelina Paul chuan zanin hun hi a kaihruai dawn a, Gospel leh Lengzem singer 20 chuang inlan tur an awm a ni.

MDM Circle of Music Meet 2022 a zai turte chu-
GOSPEL
- Lalrinzuala (Amtea)
- Andrew K. Lalchhandama
- Angaihtei Hnialum
- Benjamin Colney & Jerry Elaro
- Feli Thangluah
- Lalhmingliana Chhangte
- Jenn Ralte
- PC Vanlalhriati
- Zorinsanga Sailo
- Esther Lalpekhlui
- Fiona Lalmalsawmi Pachuau
- Chalthanmawii (Mawiteii Ralte)
- Faktu

LENGZEM/LENGLAWNG
- Feli Fanai, Zorinzuali Khiangte, DJ Lalvenhimi
- Chhuihthangval ft Zaii Hauchhum
- Jt Production
- Marina V. Varte
- Michelle Varte
- Lalhmangaihzuali (Nunui)
- Rachel Lalnunkimi
- Rpa Ralte
- Siampuii Ralte
- Kimkima
- Sangkimi Khiangte
- Deborah VL Hmangaihi