Praise On 2017 Intihsiakna an ṭan ta

Praise On 2017 - Group zai intihsiak chu nimin aṭang khan audition round ṭan a ni. Kumin Praise On intihsiak hi Khatla Kohhran Hall-ah neih a ni.

Praise On-a tel tura hming pe hi 70 lai an tling. Audition Round hi vawiinah neih chhunzawm leh a ni ang a, Sept. 30 zan hian Hruaina Êng TV-ah Second Round lut tura tlingte hming puan chhuah a ni ang a, Oct 12 aṭang khian Second Round intihsiakna hi ṭan leh a ni ang.

Praise On 2017 hi Sept. 15 khan Pathian hnena hlan a lo ni tawh a, kar hmasa Thawhlehni khan he intihsiakna chungchangah hian inhmuhkhawm pawimawh neih a ni tawh bawk.