Fiona-i’n YouTube-ah channel a siam

Zaithiam si, chhe lo bawk Fiona Pachuau chuan YouTube-ah channel a siam thar ve ta a, a channel tharah hian a hla thar ‘Min chawlhtir rawh’ tih pawh kha a dah nghal dawn a, Zirtawpni aṭang hian Fiona Pachuau YouTube channel hi en theih a ni ang.

Fiona hian hla thar a nei a, a hla thar ‘Min chawlhtir rawh’ tih chu a YouTube channel tharah hian a dah nghal dawn a ni. YouTube channel a siam thar ve ta a, Fiona chuan, “YouTube channel siam hi a harsa lem lo, amaherawhchu enkawl zui zel erawh a buaithlak ve deuh dawn a ni,” a ti. A hla thar hi a channel thar bul ṭan nan a dah ve rawih phawt dawn a, a la tichangtlung zel ang.

Tuna a hla thar bakah hian a hla tihchhuah tawhte pawh dah chhoh a, tihchangtlun zel a tum. Fiona chuan, “Ka music video pangngai bakah live video ka neih tawh hrang hrangte pawh ka dah zel ang,” a ti.

Fiona Pachuau hian a mimal (solo)-in music video pali a tichhuak tawh a, tuna a hla thar ber ‘Min chawlhtir rawh’ tih hi music video thar ni mah se, hla thar erawh a ni lo. Kum 2007 aṭang daih tawha a lo sak tawh ṭhin a ni a, programme hrang hrangah pawh a lo sa tawh ṭhin. Music video-in a siam lo reng a, mahse music video-a dah loh ngawt chu tiin, a ui leh deuh a, tunhnaiah music video-in a siam ta a ni.