Niall Horan-a’n a concert a ṭhulh

Mexico City-a concert tur a ni a, tunhnaiah he khawpui hi lir­nghingin a nuai a, chuvang chuan nunphung pawh a la buai hle, hei vang hian Niall Horan chuan a concert tur hi a ṭhulh. Thawhlehni zan khan Niall Horan hi Mexico City-a concert tur a ni a, kar hmasa lawka lirnghingin he ram hi a nuai avangin hreh tak chungin a concert hi a ṭhulh ta a ni. Tunah concert thei rih lo mah se, he khuaah hian a la concert tho dawn tih a sawi a, a fan-te chu lirnghing tuarte ṭanpuina turin Red Cross kaltlanga ṭanpuina pe turin a ngen. Brazil lamah a tour neih hi a chhunzawm tho dawn a, October 1 hian Brazil-ah a che ang a, hemi hnu hian US-ah a lut ang.