Hei le, Sangkimi Khiangte 'Thinglung arsi'

'In tel lo chuan' tih hmanga thiam taka Zofate min awitu Sangkimi Khiangte chuan zanin hian music video thar 'Thinlung arsi' a tichhuak dawn ta.

Mizo Idol-a damlohna avanga Top 20 inhlangkai zo ta lo, show zana inlan leh tura an sawm ngat Chhandama Khiangte hla phuah kha a ni nghe nghe a, chuvang chuan a hla a mawi dawn tih a chiang.

Music chu Kima Chhangte kut chhuak a ni dawn a, recording chu HC Records kut chhuak ni bawkin video chu Osiama Pictures kut chhuak a ni thung. Instagram lamah teaser video a dah chhuak tawh nghe nghe a, music video pawh thlir manhla tak tur a ni tih a hriat theih nghal a, a hla pawh a mawi dawn bawk.

Zanin hian YouTube leh Zonet lamah tihchhuah hman a tum a, Sangkimi zai ngainatute tan chuan ngaihven ngei chi a ni ang.