Demi Lovato-i'n pasal neih a tum hnai?

Tleirawl te a nih aṭanga a zai thiam vanga khawvelin a hriat kum 27 mi Demi Lovato chuan a bialpa, zai thiam leh film chan thiam ni bawk kum 29 mi Max Ehrich nen an inhual thu Ningani khan a sawi. 

"Ka hmuh aṭang che khan ka hmangaih che tih ka hria a, kan intawn tirhah khan midang hnena ka sawi thiam si loh thil keimahah a awm tih ka hria. Mite'n chan leh vang awm loa hmangaihna an sawi ṭhin chu ka hmuh che khan ka tawng ve ta! Nang chuan ka theih tawk bak chu keimahah phut i nei ngai lo a, keimaha aṭha ber zel min hmuhsak fo ṭhin. Inhualna zungbun min pe hi ka tan chuan chawimawina ropui tak a ni a, ka pawm lo thei lo a ni. Ka nun hmanpui turin ka thlang ber fo ang che, chhungkaw din pui tur atan ka duh ber chu nang i ni. Kum khuain ka hmangaih reng bawk ang che," tiin Demi Lovato chuan Max Ehrich-a'n inhualna zungbun a hlan chungchang chu social media-ah an thlalak nen a pho chhuak.