Internet-a celeb hlauhawm ber Avril Lavigne

Lar ber tih chu nise ber nihna rau rauah chuan a lawmawm ngawt ang. Avril Lavigne-i’n ber nihna a luahna hi a duhawm loh hle a, internet-a celebrity zinga hlauhawm ber a ni.

Cybersecurity firm lian, McAfee chuan milar zingah Avril Lavigne chu internet-a hlauhawm ber a nih thu a tarlang. Avril hmang hian internet-ah virus kai a hlauhawm hle tihna a ni. Internet-a virus leh malware kai theih tam tak hian Avril hming an pu a, chuvang chuan Avril hi a hlauhawm a ni.

Internet-ah Avril Lavigne MP3 tia i zawn chuan rawn lang web link zinga zaa 22 zet chu virus kai theihna a ni a, Avril Lavigne tia i zawn tawp a, web link rawn lang zaa 14.5 chu virus kai theihna a ni.

Bruno Mars chu celeb hlauhawm ber dawttu a ni a, pathumnaah Carly Rae Jepsen niin, Zayn Malik chu palina, Celine Dion chu pangana a ni. Midang hlauhawm dangte chu Calvin Harris, Justin Bieber, Sean ‘Diddy’ Combs, Katy Perry leh Beyonce te an ni. UK bikah chuan, celeb hlauhawm ber hi Daniel Craig a ni.

Google-ah te thil i zawn a, a zawn chhuah sa a rawn tarlan dul hi tawngpawng click ngawt zel loh tur a ni. Virus hlauhawm tak kai theihna kawng a ni thei a, malware hlauhawm tak i kai thei. Chuvang chuan eng website nge tih hriat hmasak a ṭha a, a nih loh chuan website emaw link hriat ngai loh chu click loh mai a ṭha ber.