LBS Suzuki Zigzag Nite hmang dawn

Social media hrang hranga video hlimawm tak i hmuh ṭhina mite kha a tak ngeia i hmu duh a nih a, an ruala hlim ve i duh chuan zanina Zigzag Nite buatsaih tur hi pan ngei chi a ni ang.

Zigzag Nite hi zanin dar 7:30 hian Hawla Auditorium-ah buatsaih a ni dawn. Zigzag Nite-ah hian YouTube, FB, Instagram leh social media aṭanga video hlimawm tak tak i hmuh ṭhina mite - Adama, Hruaitea, Awmpui thinchhia, Miss Bunny, Zo Lanu Trollin, Teddy Sailo, Euniki Lushie, Sally Hrahsel, Timothy Vangchhia, Biaktea Zovines leh Sangtea te an inlar dawn. Zaithiam zai ngaihthlak tur a awm dawn bawk a, chung zingah chuan Feli Fanai chu a langsar zual a ni.

Zigzag Nite hi YouTube lama Social Experiment ti ṭhin, In-House Production te buatsaih a ni a, LBS Suzuki sponsor a ni. Ticket a awm dawn a, Rs. 200, Rs. 300 leh Rs. 500 man te siam a ni a, ticket hi Altra Fast, Bazar Bungkawnah lei theih a ni a, Hawla Auditorium kawtah zawrh chhuah a ni bawk ang. He show hi ṭanpui ngaite ṭanpuina tura sum tuakna chi khat tur a ni.