Lairil Fantu lehkhabu tlangzarh
Chanchinbu hrang hranga thuziak ṭhin, Rindika chuan a lehkhabu hmasa ber, Ka Lairil Fantu chu vawiin hian a tichhuak dawn ta. He lehkhabu hi Central YMA Hall, Tuikhuahtlangah, Vanglaini chanchinbu editor, K. Sapdanga’n a tlangzarh ang. Rindika Mizo hi natna avanga pawn chhuak thei lo, mut leh
ṭhut hmuna tâp chawt a ni a, awm hmun aṭanga a lehkhabu ziah hmasa ber a ni. ‘Ka Lairil Fantu’ lehkhabuah hian thuziak pangngai 11 a awm a, bihchianna lam 11, thawnthu tawi pakua leh thu belhchhah pakhat a awm. Phek 219-a chhah a ni a, Rs. 150 man tur a ni.