Laltheri film nakkumah tichhuak dawn

Mizo chanchina hmeichhe ropui leh chanchin ngah, hma­ngaihna lama hriat hlawh, Laltheri, a hming tak Lalchawngpuii chu film-ah siamin hma lak chhoh mek a ni. Film director tur hi Hmingthangvunga a ni a, ani hian a produce nghal bawk ang.

Lalchawngpuii, Laltheri tia koh hi Mizo lal ropui Lalsavunga fanu, Vanhnuailiana te far­nu a ni. Lal nula, luhlul em em mai, hmangaihna avanga chanchin lar em em chanchin behchhana film siam hi darkar hnih awh tur a ni. He film-a a changtu turte hi MFDS hnuaia artistes training chhuak te bakah, National School of Drama chhuakte an ni nawk dawn. A changtu tur, film-a lang tur ringawt pawh hi mi 100 chuang an ni dawn.

Lalchawngpuii film tur atan hian August thla tawp lam aṭang khan an inbuatsaih ṭan tawh a, he film producer-te rua­hman dan chuan nakkum April-a tihchhuah tur a ni. A thawnthuah hian Chalthanga, hnamchawm tlangval leh Chawngpuii lal nula inngaihzawnna a ni. Hnamchawm tlangvalin Sailo lal fanu a ngaihzawn chuan an chan tur chu thah/tihhlum a ni. He true story avang hian Sailo lal ten an fanu emaw farnu emaw hnamchawm tlangvalin an ngaihzawn avanga an tihhlum ṭhin chu tihtawp a lo ni ta a ni.