BTS-in lawmpuitu an ngah

Billboard 200 chart-ah khan pasarihnaah BTS album thar ‘Love yourself: Her’ album chu a lang pha a, hei vang hian BTS chuan lawmpuitu an ngah hle a, fan-te reaction pawh a ngaihnawm.

Bangtan Boys hi Asian act zinga Billboard 200 chart-a thleng sang ber an ni a, Billboard 200 chart top-a an lang pha hian America-a BTS huhang len tawhzia leh, K-Pop khawvelin ngaihventu a ngah tawhzia a tilang. BTS fans, ARMY tia kohte chuan hetianga BTS-in hlawh­tlinna an chan avang hian Twitter lamah thawm an chhuah lian hle.

Kumin, 2017 hi BTS tan chuan kawng hrang hranga chhinchhiah theih a ni. Kum 2017-ah member pasarih an ni a, follower maktaduai 7 an nei a, Billboard 200 chart-ah pasarihna an thleng a, an album thar hi khawvel pumah ni sarih chhungin nuai 7 an hralh. US bikah chuan copy 31,000 an hralh.