India Mobile Congress Kum khat chhungin 4G-in 2G luahlan ang

A vawi khatna atan India Mobile Congress chu Nilaini aṭanga nimin thleng awh khan Delhi-ah buatsaih a ni. India Mobile Congress hawnnaah hian Mukesh Ambani chuan thu sawiin, IT leh telecom lama India hmasawnna a tarlang a, tun thla 12 chhung hian 2G chu 4G hian a luah hman tawh ang a ti.

India Mobile Congress-ah hian khawvela IT lama company hriat hlawh tak tak leh India-a IT lam company hrang hrang 5000 vel lai an tel a, chung zingah chuan Google, Reliance jio, Qualcomm, BSNL, IBM, Airtel, Nokia, Huawei, Idea, Vodafone, Mediatek, ZTE, Facebook, Wipro te pawh an tel.

Mi hrang hrangin thu an sawi a, chung zing­ah Ravi Shankar Prasad, Mukesh Ambani, Manoj Sinha, Dharmendra Pra­dhan te pawh an tel. India Mobile Congress hi Mobile World Congress anpui tur atana buatsaih a ni. Thil chi hrang hrang 300 chuang pho chhuah a ni a, phone chi hrang hrang leh gadget thar-te pho­chhuah a ni.