Arini 'Mala awm loh hmunah' zanin dar 6-ah

Zofate'n Gospel singer kan neih ṭhat ber zinga mi Arini chuan zanin hian a music video thar 'Mala awm loh hmunah' chu YouTube-ah a dah chhuak dawn.

He hla hi Vanlalkima Sailo lehlin niin mi tam tak chuan kan hriat sa tawh a rinawm a, Arini hian thiam takin a rawn thar thawh leh a ni. Soundtrack chu Fela kut chhuak niin Masky records-ah recording chu a ti a, video chu Chiangtea Videography kut chhuak a ni thung.

Zonet Cable TV lamah chuan pe chhuak tawhin zanin dar 6 hian a YouTube channel 'Arini Ralte'-ah duh hun huna ngaihthlak theih turin a chhawp chhuak ve leh dawn a ni.

Arini hian tunhnaiah music video a tichhuak tam lo hle a, chuvangte pawh chu a nih a rinawm, a music video thar hi a uluk lehzuala, hmuh pawh a nuam hle. A hla sak a mawiin amah a zai thiam bawk nen, music video thlira ngaihthlak manhla tak tur a ni. Arini zai ngainatute tan phei chuan music video thar a tichhuak hi thu lawmawm tak a ni ngei ang.