Olivia Rodrigo - Spotify-ah recod thar a siam

Olivia Rodrigo chuan Spotify-ah record thar a siam a, hmeichhe artist zinga album pakhata awm hla pathum vawi tluklehdingawn stream tlin vek nei hmasa ber a ni.

'SOUR' album-a hla 'deja vu' chu music streaming giant-ah hian vawi tluklehdingawn stream tlin a ni ve leh ta a, a hmain he album-a mi tho 'drivers license' leh 'good 4 u'-te chu stream tling bawkin hmeichhe zinga hetiang dinhmun thleng thei awmchhun hi a ni rih.

Instagram story lamah pawh lawmthu sawina a tarlang nghal a, tunah chuan kum naupangte ni chungin rimawi khawvelah chuan hmuh naupan reng a har tawh ang.

Hetih mek lai hian Rodrigo hian a album thar tur a buaipui leh mek tawh a, a album pahnihna tur buaipui hian studio lamah a lut chhuak leh zak zak tawh a ni.

Kum 19 mi Olivia Rodrigo hian a album tihchhuah awmchhun "SOUR" kha a hlawhtlinpui rem rem hle a, Grammy awards pathum lai a lakpui bakah a tlangzarh kar khan Spotify-ah hmeichhe album tlangzarh tawh zingah an tlangzarh kara stream tam ber record-te pawh a lo siampui tawh bawk.