Lady Gaga a dam zel

Lady Gaga chuan Brazil-ah inlan turin rua­hmana siam vek tawh mah se a damlohna avangin a tihlawhtling thei dawn lo a, damdawi-inah enkawl mek a ni. Natna khuma mu chungin Lady Gaga chuan a fan-te tan thu lawmawm chhakchhuakin, American singer hian nitin hma a sawn chhoh zel thu a sawi.

Kum 31 mi Gaga hi tun hnaiah a taksa a bawrhsawm ang reng hle a, September thlatir lam pawh khan alo damlo tawh bawk. Tunah hian mipui hmaah a inlan thei rih lo a, mahse hun rei lote hnuah a rawn kir thuai beisei a ni.

Instagram lamah Gaga chuan, "Hetianga ka awm hi thu hriat nuam lo tak a ni, nitin mai hian hma ka sawn ve zel a, satge-a han chet vel hlan ka nghakhlel tawh hle," a ti. Mipui hmaa piano nena zai a chak thu a sawi lang tel bawk. Bad Romance hla hmanga khawvel al hneh em emtu Gaga chuan Brazil lama a inlan theih loh avanga hrehawm a tih thu sawi zuiin, "Brazil-a ka kal theih loh avangin hrehawm ka ti a, ruahmanna siam tawhsa tihlawhtling turin theih tawp chhuah mah ila, Rio laituala han rock tur chuan ka la inpeih lo a ni. Tunah chuan ka taksa ka enkawl ṭhat a ngai a, hei erawh ka tiam che u, ka dam hunah a rang thei ang berin ka rawn kal ang, ka hmangaih vek che u..." tiin a tarlang.