UNICEF-in Priyanka chawimawi dawn

Indian actress Priyanka Chopra chu UNICEF tan leh vantlang tana hna a thawh ṭhat avangin chawi­mawina hlan a ni dawn a, chawimawina an pek tur hi Variety Power of Women a ni.

October thla hian Priyanka Chopra hnenah Variety Power of Women chawimawina hi hlan a ni dawn. Midangte ṭanpuina kawngah Priyanka hi a thawh hlawk hle a, hei hi Variety hian hriain chawimawina hi an pe dawn a ni. Hei bakah hian Hollywood leh khawvel hmun hrang hranga hmeichhia leh mipa hlawh inthlau ṭhin a reh theih nana hma alak nasat avangin fak a hlawh hle.