Khiangte Construction Ṭhazual Gospel ; Lalthansangi 'Lalpa min hruai zel ang che' in ro a rel

Khiangte Construction Ṭhazual Gospel chart-ah Lalthansangi 'Lalpa min hruai zel ang che' chu pakhatna a ni.

Ṭhazual chart-a che ṭha ṭhin tak Lalthansangi hian tuna chart-a pakhatna a nihpui mek 'Lalpa min hruai zel ang che' hi thla khat liam ta vel khan YouTube-ah dah chhuakin he hla hi a sa mawi hle a, music video hmuh a nuam bawk nen chart-a a che ṭha pawh hi a awm hle. He hla hi R Lalrintluanga phuah niin chart hmasaah khan pathumna a ni a, tunah erawh pakhatna hial a rawn ni ta a ni.

Pahnihna chu Sailo Lalsangzuali niin 'Chawimawina ka hlan a che' chu pahnihna a nihpui a, R. Lalbiaksanga 'A pawi lo ve Lalpa' chu pathumna a ni bawk.

Chart-ah zai thiam tak tak lang an awm nual a, Faktu ft Maruati leh Seraphic Choir-te chu palina leh pangana niin C Lalremruata, Maruati, Lancy ft. Pisgah, Sawmtea Chhangte leh Arini-te pawh chart-ah an lang a ni.