Snoop Dogg leh Dr. Dre an thawkdun

Snoop Dogg leh Dr. Dre-te chu thawkdunin album thar 'Missionary' an tichhuak dawn.

Hip hop legend pahnih hi an thawhdun hnuhnun ber aṭangin kum 30 a liam tawh a, an thawhdun chungchang hi Snoop Dogg chuan 'Know Mercy' podcast-ah a sawi chhuak a ni.

'Drop It Like It's Hot' rapper chuan, "Kei leh Dr. Dre-te chuan thla hnih liam ta chhung khan album kan buaipui dun tawh a ni," tiin a sawi. Kum 1993-a LP an tihchhuah dun hnuah tun hi an thawhdun lehna hmasa ber a ni a, kumin November thlaah hi chuan tlangzarh hman an tum.

Snoop leh Dre-te hi kum tirah khan Super Bowl halftime show-ah Eminem, Mary J. Blige leh Kendrick Lamar-te nen an inlan ho tawh a, chumi hnu lawk chuan Snoop hian eng emaw thil la sawi chhuah chi loh project an nei dawn tih Entertainent Tonight a hrilh tawh a, chu chu tuna Dr. Dre nena an thawhdunna hi a nih hmel e.