Myanmar beauty queen Shwe Eain Si-i a title an laksak

Myanmar beauty queen Shwe Eain Si-i chu Facebook-a a video post avangin, 'Miss Grand Myanmar' a nihna title lak let sak a ni. Kum 19 mi Shwe Eain Si hian kar hmasa khan Myanmar tualchhung buaina chhuak chungchangah Rohingya-te chu buaina siamtu leh chawk chhuaktua a puhna thu a tarlang a ni.

Miss Grand Myanmar inelna buatsaihtu Hello Madam Media Group lam chuan title an chhuhsak chhan hi a video post vang chauh a nih loh thu an sawi a, "Inelna kan neih chhan leh kan thil tum ṭhenkhat a hlawhtling lo a, ṭhalaite entawn tlaka thil a tih loh avangin hetiang thil hi tih a ngai ta a ni," an ti.

Video a tarlan hma hian thutlukna an siam fel hman thu an sawi tel bawk.

August thla khan Rohingya helte hian Myanmar rama sipai hmun an bei a, hei thil thleng avang hian tualchhung buaina a chhuak nasa hle. Myanmar sorkarin khua leh tui nihna a pek duh loh Rohingya-te hi tun hnaiah mi 500,000 chuang zet chu ṭhenawm ram Bangladesh-ah an raltlan tawh a ni.