'Praise on Solo-Competition 2022' nei mek

Synod Information and Publicity department (Synfo) leh Central Kristian Ṭhalai Pawl buatsaih Branch KṬP malzai intihsiakna 'Praise on Solo- Competition 2022' elimination round chu neih mek zel a ni.

Praise on 2022 elimination round hi Aizawl khaw pawn Kolasib, Lunglei, Mamit, Serchhip leh Champhaiah te September 26-30 chhung khan neih a ni a. Kolasib-ah mi 25, Lunglei-ah mi 11, Mamit-ah mi 11, Serchhip-ah mi pakua leh Champhai-ah mi 12-te an tel.

Aizawl khawpui chhung tan chuan October 3,2022 aṭang khan elimination round hi neih ṭan a ni veleh a, Aizawl chhim lam tan Tuikhuahtlang Presbyterian kohhran hall-ah October 3-4,2022-ah neih a ni a, Aizawl North lam tan October 5-6 chhungin Ramhlun Vengchhak Presbyterian Kohhran Hall-ah neih chhunzawm leh a ni ang.

October 12 leh 13-ah Second round neih a ni anga, chung aṭang chuan top 50 thlang chhuakin, top 20 thlan leh a ni anga, chung aṭanga aṭha zual 10-te'n November 8 leh 17-ah Final round neih tur a ni. November 18, 2022-ah result puan leh lawmman semna neih a ni ang.