2022 BMI London Awards European Song of the Year 'Bad Habits'

Broadcast Music, Inc-in kumtina a sem ṭhin 2022 BMI London Awards-ah Ed Sheeran leh Johnny McDaid-te hla 'Bad Habits' chu European Song of the Year-ah puan a ni.

Kumin BMI London Awards hi Thawhṭanni khan London-a Savoy Hotel-ah sem a ni a, nikum lama UK leh Europe-a artist cheṭhate hnenah chawimawina an hlan a ni. Ed Sheeran hian kum 2016, 2017 leh 2018 khan he chawimawina hi a lo dawng tawh bawk.

Ellie Goulding chuan BMI President’s Award a dawng ve bawk a, Global breakout star Tems chuan BMI Impact Award a dawng ve thung a ni.