Spider and Jessie-ah McKenna Grace

'Ghostbusters: Afterlife' actress Mckenna Grace chu 'Spider and Jessie' film-ah a chang dawn.

Deadline chuan hemi chungchang hi puangzarin Jesse Williams, Jojo Regina, Dacre Montgomery, Forrest Goodluck, Fernanda Andrade, leh Malia Baker-te pawh he film-ah hian an chang dawn tih an tarlang a, Grace leh Regina-te hian Spider leh Jessie lem an chang dawn niin an tarlang bawk.

Dan Kay chu director tur niin script pawh a ziak nghal dawn.

McKenna Grace hi kum 16 chauh la ni mah se Hollywood-ah chuan lemchanthiam ngaihven hlawh ber pawl a ni mek. Kum 2017-a tihchhuah 'Gifted' film-a Phoebe Spengler lema a chan chu a larpui hle a, 'Captain Marvel' film-ah khan Carol Denvers naupanlai lemah a chang tawh bawk a, 'Annabelle Comes Home'-ah pawh khan a inlan a ni.

TV series lamah pawh sulhnu a hnutchhiah nual tawh a, 'Young Sheldon'-ah Paige lem a chang bawka, lawm a hlawh hle nghe nghe a ni.