Box Office-ah 'Smile' a hrang!

North America Box Office-ah horror film 'Smile' chu sum lalut tam ber niin theatre 3,645 aṭangin $22,609,925 lai sum a lalut.

Jessie T. Usher, Kyle Gallner, Caitlin Stasey, Kal Penn leh Rob Morgan-te channa film hi $maktaduai 17 vel senga an siam a ni a, US pawn lamah $14,500,000 lalut tawh bawkin a sum lakluh tawh zawng zawng chu $37,109,925 lai a ni tawh.

He film hi critics lam pawhin an fak angreng viau a, production-a sum an sen zat ngaihtuaha film ṭha tak an siam chhuak te, a sound design bakah Bacon chevel chu an fak hle a ni. Ṭhenkhat erawh horror film dang 'It Follows' leh 'The Ring' te nen a kalphung a inang nia sawiin an sawisel ve bawk. Rotten Tomatoes-ah mi 132 review aṭangin 6.5/10 rating a hmu a ni.

Film thar dang
'Smile' bakah hian Top 10-ah film thar dang pahnih a lang. Pangana 'Bros' leh parukna 'Ponniyin Selvan' te chu film thar a ni bawk a, Box Office mojo chart-ah film 60 tarlangin film thar 10 a awm a ni.