Comedian Search pakhatna Francis Lalzamlova

Double-ESS Industry LPS Comedian Search chu Inrini zan khan zawhfel a ni ta a, Francis Lalzamlova chu pakatna a ni.

Grand Finale-ah hian top 5-a lang mi 6-te an intihsiak leh a, heta ṭang hian top 3 thlan chhuah an ni. Top 3-a langte hian inelna an hmachhawn hran tawh lo a, pakhatna thlan nghal a ni. Final-ah hian minute 5 ṭheuh fiamthu thawhna hun pek an ni a, final zan khatnaa an point nen khaikhawmin, result hi siam a ni.

Comedian Search-a pakhatna Francis Lalzamlova, Champhai hian pawisa fai Rs.50,000 leh Bajaj Bike a dawng. Pahnihna H.Malsawmtluanga chuan pawisa fai Rs. 30,000 a dawng a, pathumna Laltanpuia (Mapuitea) Sialsuk hnenah Rs 20,000 hlan a ni bawk. Heng bak hian Top 10-a lang mi 7 hnehah Rs.10,000 ṭheuh hlan an ni bawk.

LPS Comedian Search hi kum 2008 aṭang khan neih ṭan a ni a, kumin hi a kum 10-na chiah a ni.