Fiamthu thiam Roluaha kan chân ta

LPS Comedian Search aṭanga Zoram mipuiin kan hmelhriat Roluaha chu nimin zing dar 9 leh a chanve vel khan Aizawl Civil Hospital-ah thin ṭha lo avangin a thi.

Tlangnuam pa Roluaha hi September thla vel khan Damdawi inah dah luh a ni a, hun eng emaw chen enkawl a nih hnuah zual lam a pan zel avangin a taksain a tlin ta lo a, kum 55 mi niin a chatuan ram a pan ta a ni.

A chanchin hian ngaihven a hlawh hle a, Hospital-a enkawl a nih lai pawh hian a chanchin hi mi tam tak ngaihven a ni. Mi tihlim thei tak, puipun ni khuaa thiam taka fiamthu thawh ṭhin a nihna hi mite ngainat a hlawh phahna pawh a ni. Kum upa lam ni tawh mah se ṭhalaite lawm rawn a ni a, a thusawi tam tak hi mite rilruah a cham reng tawh dawn a ni. A

ṭawngkam hman danglam takte chuan sawi zui a hlawh a, fiamthu thiam bik a nih zia a tilang bawk.

Kum 2008-a Comedian Search buatsaihah khan second round a thleng a, a kum lehah tel lehin, pakhatna a ni nghe nghe. Amah hi Comedian Search tihlawhtlingtu ber pakhatah mi tam tak chuan an ngai a, a tel tawh loh hnu thleng pawhin fiamthu thawh tura sawm a ni fo reng a ni.