Sylvester-a'n 'Creed 2' a direct dawn

Rambo film aṭanga kan hriat lar Sylvester Stallone chuan 'Creed 2' siam leh tur a direct dawn.

Kum 71 lai ni tawh mah se Sylvester hian film industry chhuahsan a la tum lo niin a lang. Kum 2015-a tihchhuah boxing lam tarlanna 'Creed' ah khan Sylvester hi a chang a, tun ṭuma an siam leh turah hi chuan director a ni ve thung dawn a ni. A story hi Ryan Coogler leh Aaron Covington-te'n an ziah a ni a, Creed ah khan Ryan Coogler hi director a ni. Coogler chuan Sylvester chu film hmuhnawm leh ṭha tak siam tura a duhsak thu a sawi.

'Creed 2' hi kum 2018, February 16-a tlangzarh tura ruahman a ni.