Billboard Hot 100 topper Steve Lacy 'Bad Habit'

Billboard Hot 100 songs chart-ah Steve Lacy hla 'Bad Habit' chu kar li lai pahnihna a nih hnuah pakhatnaah a inhlangkai ve ta.

Steve Lacy hian a hmain Hot 100 topper hla a la nei ngai loa, 'Bad Habit' hi mellung pawimawh tak a phumpui ta a ni. Billboard kum 60 history-ah Hot 100 No.1 hla 1,142-na a nihpui chiah bawk niin Billboard chuan an tarlang. 'Bad Habit' hi kar 13 chart-a a lannaah chiah pakhatna a ni ve thei a ni.

Chart-a che ṭha rei tawh tak, record-te hial pawh lo siam tawh Harry Styles 'As It Was' chu pahnihna a la ni a, Sam Smith & Kim Petras' Unholy' chu pathumna a ni bawk.

Billboard 200 chart lamah erawh Bad Bunny 'Un Verano Sin Ti' bawk pakhatna a rawn ni leh a, kar 12 lai chart topper a ni ta der mai. 5 Seconds Of Summer chuan an album thar '5SOS5' chu pakhatna nihpui zo loin pahnihna an nihpui a, Morgan Wallen-a album hit tak mai 'Dangerous: The Double Album' chu pathumna a ni. Kar hmasa lama pakhatna Blackpink 'Bornpink' chu palina a ni thung a, Harry Styles 'Harry's House' chu top 5 khartu a ni.