Country Music Icon Loretta Lynn a thi

Country Music Icon Loretta Lynn chu Thawhlehni khan kum 90 mi niin a thi.

Loretta Lynn chhungte chuan thuchhuah siamin Hurricane Mills, Tennessee-a a chenna inah a mut laiin a thi niin an sawi.

"Kan nu duh tak, Loretta Lynn chu tukin zing, October 4 khan, a hmun ngainat tak Hurricane Mills-ah a mut laiin a boral," tiin thuchhuah an siam a ni.

Loretta Lynn hian rimawi khawvelah sulhnu a hnutchhiah ṭha hle a, kum 60 chuang lai rimawi khawvelah, a bik takin country music huangchhungah hun a hmang.

Kum 1963-ah daih tawh khan a album hmasa ber 'Loretta Lynn Sings' chu tihchhuakin kum 2021 khan a album hnuhnung ber 'Still Woman Enough' chu a tichhuak. Studio album hi 50 a tichhuak hman a, single 86 tihchhuakin music video 14 a tichhuak hman bawk.

Rimawi huangchhunga chawimawina ngaihhlut Grammy award pawh pathum lai dawngin vawi 18 lai nominate a ni nghe nghe. A boral thu puanzar a nih hnu lawk hian milar tam takin social media kaltlangin an ui thu an puangzar nghal a ni.