BD Chawngthu poetry bu ‘Of Younger Days’ tlangzarh

Nimin khan BD Chawngthu poetry bu ‘Of Younger Days’ tih chu SCERT Auditorium Chaltlangah Laldawngliani Chawngthu-in a tlangzarh.

BD Chawngthu kut chhuak lehkhabu hmasa berah hian a English poetry phuah 70 dah niin, phek 100 a chah, Rs 150 man tur a ni.

He hunah hian MIELS Poetry Club huaihawtin poetry chhiarna hun neih nghal a ni a, Mizo English poet lar tak takte bakah, MIELS Lit Fest-a poetry competition bika lawmman latute, English-a poetry bu chhuah tawh leh a duh apiangin hun an hmang.