USA-a ṭhalaite infinchhuahna programme-a India ram aiawhtur zingah Zoa Tlau
United State of America sorkar hnuaia Department of State-in a ram zawlpui ramdang ṭhalaite nena infinchhuahna programme a siam, 'Legislative Fellows for India and Pakistan - 2017' ah Mizo ṭhalai Zohmingthanga Tlau (Zoa Tlau), Ramhlun Venglai chu India ram aṭanga tel tur
12 thlanchhuah zingah a tel a, vawiin hian USA pan turin Aizawl a chhuah san ang.
A telna programme hi 'Exchange Project for Professionals and Young Leaders' a nih angin kum 40 hnuailam bik tana buatsaih a ni a, US sorkar
kalphung zirin leadership neihna atan an chher hriam anga, a tel turte hian project nei ṭheuhin an project hawn tur hi US sorkar chuan a tihpuitlin
(implement) kawngah a pui zui ang. America leh sumdawng dangte nena inthlunzawmna siamtu an ni ang a, India leh Pakistan sorkar inthianṭhatna tipungtu an ni bawk ang tih a ni.
Programme hi US khawpui Washington DC-ah October 14 aṭangin ṭan a ni ang a, khawpui hmun hrang hrangah Nov 17, 2017 thleng an nei zui dawn a ni.
He huna tel tur thlanna atan hian kum chanve vel hun hman a ni a, a tawpna atan US aṭangin phone hmangin interview an hmachhawn leh bawk a ni.
A tel turte hian project an nei vek a, Zohmingthanga Tlau hian 'Entrepreneurship Development in Mizoram' tih a hmang a ni.