Chris Martin-a'n chuap lamah harsatna nei

Coldpay show eng emaw zat an tikhawtlai lailawk

Coldplay chuan an singer Chris Martin-a'n a chuap lamah harsatna a neih avangin Brazil-a show an neih tur pariat lai an tikhawtlai.

Thawhlehni khan hemi chungchang hi Instagram kaltlangin an puangzar a, pawi an tih thu leh Rio de Janeiro leh São Paulo-a show an neih tur chu nakkum kumtir lamah an sawn tih an sawi. Chris pawh uluk takin kar thum chhung vel chu doctor-te'n an enfiah a ṭul dawn tih an sawi bawk.

Chris chu dam takin a lo kir leh ngei dawn tih an beisei thu sawiin ticket lo lei tawhtute pawh an ticket lo dah ṭha rih turin an ngen a ni.