Praise on Solo Competition 2022 first round result puang

Synfo leh Central Kristian Ṭhalai Pawl-in Branch KṬP malzai intihsiakna 'Praise on Solo Competition 2022' a buatsaiha elimination round result chu nizan khan Synfo Studio, Synod Office-ah puan a ni a, mi 159 laiin first round an paltlang.

'Praise on Solo Competition 2022'-a tel tur hian mi 424-in form an thehlut a, elimination round-ah mi 379 an inlan a, an zing aṭang hian mi 159-te chu second round intihsiak hmachhawn turin an tling.

Second round hi October 12-13, 2022 chhunah, Mission Veng Presbyterian Kohhran hall-ah neih a ni ang a, intihsiaknaah hian guitar emaw keyboard emaw, duh zawk zawk hman theih a ni ang. Second round-a tling mi 159 aṭangin a tiṭha zual mi 50 thlan chhuah leh an ni ang a, top 20 thlan leh a ni anga, chung aṭanga aṭha zual top 10-te'n November 8 leh 17, 2022-ah Final round inelna an nei dawn a ni. November 18,2022-ah result puan leh lawmman semna neih a ni dawn bawk.