Virtual At Home festival-ah The Pretty Reckless

Fearless Records hmalaknaa May 9-a neih tur virtual At Home festival-a inlan tur band eng emaw zat chu tihchian a ni tawh a, chung zingah chuan The Pretty Reckless pawh an tel.

Hrileng vangin concert leh festival hrang hrang ṭhulh a ngai a, hemi a nih avang hian kawng dang dap a ngai a, virtual show lam an uar thar hle.

Inrinni-a At Home festival neih turah hian band 10 an inlan dawn a, chung bakah chuan inlan tura sawm bik 15 dang an la awm.

The Pretty Reckless bakah hian As It Is, Grayscale, Ice Nine Kills, Locket, Plain White T's, Set It Off, The Almost, The Plot In Youleh Wage War-te chu an inlan dawn tih a chiang tawh.

Fearless Records YouTube channel-ah At Home festival hi a thlir theih dawn a, UK rama zan dar 8-ah tihchhuah a ni ang.

At Home festival livestream-ah hian khing a chunga kan tarlante hi main show-a inlan tur an ni dawn a, nilengin band hrang hrang an inlan chhawk dawn bawk niin Loudwire chuan a tarlang a, chung zingah chuan All That Remains, August Burns Red, Capstan, Eat Your Heart Out, iDKHOW, I Prevail, Kill the Lights, Movements, My Kid Brother, Oceans Ate Alaska, Starset, The Word Alive, Underoath, Varials, leh Volumes-te pawh an tel. 

He programme aṭanga an sum hmuhchhuah zawng zawng hi live music crew-te chhawmdawlna tur Crew Nation tan an pe ang.