Despacito-in youtube recor thar siam leh
Tun laia youtube lama hit tak, Luis Fonsi leh Daddy Yankee te sak 'Despacito' chuan record dang a siam belh leh ta. 'Despacito' hian youtube-a hla vawi khat dah luhnaa entu ngah ber record a siam a ni.
'Despacito' hian youtube-a entu ngahber record a lo siam tawh a, record a siam aṭanga thla hnih pawh a liam hmain record dang a rawn siam leh ta a ni. Nimin thleng khan viewer hi 4,003,460,746 an tling tawh! Thla kua vel liam ta khan he music video hi yuutube-ah dahluh a ni a, thlirtu a la neihbelh zel a ni.
He Latin hla hian Wiz Khalifa' leh Charlie Puth te sak "See You Again" leh PSY "Gangnam Style" te chu entu ngah lamah a rawn khum a, August 3 khan youtube-a entu ngah berah puan a lo ni tawh a ni. October 11 khan youtube-a 4 billion viewer nei hmasa berah puan a ni leh bawk.
"Despacito" tih hi Latin ṭawng niin, 'muang' tihna a ni. Mahse youtube lama entu ngah lama chuan a ṭuan a muang hauh lo mai a, thlakhat leh a chanve chhung lekin 100 million zetin an en hman a, nitin 14.7 million viewer awm ang a ni. Hei hian Taylor Swift-i music video tihchhuah thar "Look What You Made Me Do" entu chawhrual pawh a khum a ni.
"Despacito" hian Vevo lamah pawh record a siam a, Spanish-language video zinga viewer 200 millionnei tling hmasa ber a ni bawk.