Praise On intihsiakna chhunzawm zel

Praise On 2017 chu Ningani zan aṭang khan chhunzawm a ni leh ta. Praise On intihsiak hi Group intihsiakna anga kalpui a ni a, nizan khan Second Round intihsiakna ṭan a ni a, zanin hian chhunzawm leh a ni ang.

Nizan lama intih­siakah, Second Round-a tling group 38 aṭangin a zat ve, group 19-te an zai a, zanin hian group dang 19-te'n intihsiakna an nei leh ang. Praise On 2017-ah hian Mavuana, Tekawka leh Liandingpuii te chu judge an ni a, host hi Mahruaii a ni. Second Round intihsiakna aṭanga a ti ṭha zual 20 te chuan Third Round an lut ang. Praise On hi zan dar 7-ah ṭan a ni a, Hruaina Êng channel-ah live-a pekchhuah a ni.