Lady Gaga album thar thla tawpah

Lady Gaga studio album parukna tur 'Chromatica' chu May 29 hian tlangzarh a ni dawn tih a social media kaltlangin a puangzar.

'Chromatica' hi April 10 khan tlangzarh a tum tawh a, mahse hripui leng vangin a tihkhawtlai a, tun thla tawp lamah hi chuan tlangzarh hman ngei hi a tum tawh a ni. He album-ah hian tunhnaia a single tihchhuah 'Stupid Love' pawh kha a tel a, album track list-te pawh tarlang vek tawhin zaithiam dang eng emaw zat a thawhpui dawn tih pawh a chiang tawh.

Gaga hian a album thar tlangzarh tur chung­changah hian vawi eng emaw zat thuchhuah a siam tawh a, 'Chromatica' tih thumalin a nuna awmzia a neih dante pawh a sawi tawh a ni.