Tom Cruise-in space-ah film a chang dawn tih NASA-in tichiang

Thawhṭanni khan Deadline report chuan Tom Cruise-in van boruakah film shooting a nei dawn tih a tarlang a, Thawhlehni khan National Aeronautics and Space Administration (NASA) chuan hei hi thudik a nih thu a tichiang ta.

NASA thuneitu Jim Bridenstine chuan Thawhlehni khan twitter-ah,"Space Station leh a chhehvela film chang turin NASA chuan Tom Cruise thawhpui a phur tawh hle! Engineer leh scientist chhuan tharte'n NASA ruahmanna a taka an chantir theihna turin media larte kan mamawh a ni," tiin a ziak a, International Space Station thlalaka  dah tel bawk.

Deadline chuan Thawhṭanni khan  Mission: Impossible-in space-a film a chan tur hi tarlangin Elon Musk SpaceX-a thawhpui thu thlengin an lo tarlang tawh a ni.

ISS hi mihring awm theihna satellite a ni a, ram hrang hrang panga space agency-te siam niin NASA pawh hi chung zingah chuan an tel a, kum 19 lai chu mihring an cheng char char tawh.

Space a kal hma hian Tom Cruise channna Top Gun: Maverick chhunzawmna chu tihchhuah tum a ni a, kumin December hi chuan tlangzarh hman tum a ni.