Kim Kima music video thar kan nghak chhuak ta

Ṭhazual Award 2017 sem zawh taka Best New Artist atana thlan, Kim Kima chuan music video thar a tichhuak a, zaninah Zonet-ah chhuah a ni ang.

Kim Kima music video tihchhuah thar hi "Sarah, I zun zam" tih a ni a, a hla thupui aṭanga en hi chuan phuah chhan te pawh a nei a nih duh hmel hle. Kim Kima hian zai ringawt a thiam emaw kan lo ti a, mahse a ni lo. Sarah, I zun zam tih hi ama phuah a ni a, ngaihthlak pawh a chakawm tawh hle.

Kim Kima chuan, "Hmeichhe duhna lam hla a ni a, a hla thu hi ngun taka ngaihtlak chuan a phuahtu rilru awm chu a hriat theih mai" tiin, a hla phuah chungchang a sawi. Hetih rual hian phuah chhan a neih leh neih loh erawh a sawi chiang duh lo thung.

A hla hi EME-ah recording tih a ni a, video hi Gabriel Graphics kutchhuak a ni thung. Kim Kima hian official-in music video pahnih a tichhuak tawh a, tuna mi hi kumin a pakhatna a ni a, nikum khan "Ka zei an ti ṭhin" tih a lo tichhuak tawh bawk. A hlate hian youtube lamah pawh en an hlawh hle a ni.