Taylor Swift-i'n a fan-te tan party buatsaih sak

Taylor Swift chuan UK lamah shooting neiin hun a hmang mek a, kar kalta Zirtawpni khan a fan-te pualin party a buatsaih.

Swift hian amah ngaisangtu mi 100 velte tan a chenna hmunah party hi a buatsaih a, mi ṭhenkhat chu lawm avangin an mittui a tla hial. Ei tur pawh a chhawp sak nual a niang, he huna tel a fan te chuan twitter lamah an tarlang chuai chuai mai.

Taylor Swift hian 'Look What You Made Me Do' a tihchhuah hnu­ah, album thar tur 'Reputation' chu a buaipui leh mek a, November thla hian a tlangzarh hman beisei a ni. UK-ah hian shooting neiin hun a hmang mek a ni.