Hnam lam thiam ber Zofa Cultural Club

Mizo Cultural Organisation (MCO)-ten Cultural Centre, Bawngkawn South-a hnam lam intihsiak an buatsaih chu zawhfel a ni ta a, a kharna hun Art & Culture minister R Lalzirliana'n a hman pui. Intihsiaknaah hian Zofa Cultural Club, Chanmari West pakhatna an ni.

Intihsiaknaah hian MCO hnuaia sub. hqrs., branch leh club 19 an tel a; khuallam, cheraw kantluang leh chheih lam hmangin an intihsiak a ni. A pumpuia pakhatna Zofa Cultural Club hian Rs. 50,000, trophy leh certificate an dawng a, pahnihna Mizo Cultural Club, Vaivakawn-in Rs. 30,000 leh certificate leh pathumna Chhawkhlei Cultural Club, PUC ten Rs. 20,000 leh certificate an dawng a ni.

Hnam lam intihsiak hi MCO treasurer Lalnuntluangi nu, Vankamlovi (L) hriatrengna atana buatsaih a ni a, sorkar department leh sumdawng hrang hrangte pawhin pawisa an thawh bawk. MCO chuan hnam lam intihsiakna a hlawhtlinna atana pawisa leh tha thawhtute zawng zawng chunga an lawmthu an sawi.