Praise On 2017 Top 20 a hriat ta

Mizoram Synod hnuaia Synfo-in Fakzai Hunpui a buatsaih, Praise On 2017 second round result chu nizan khan puan a ni a, third round-a inel turin KṬP branch 20 aiawhte an tling.

Praise On 2nd round intihsiak hi October 12 & 13 zan khan Khatla Kohhran Hall-ah neih a ni a, KṬP branch 36 aṭanga group 38 telte an inel a ni. 3rd Round-a tlingte hi November 2 & 3, 2017 zanah an intihsiak leh ang. Top 20-a intihsiak tur zawng zawng leh an convener-te chu naktuk, Ningani hian chawhma dar 10:30 aṭangin Synod Conference Centre-ah Retreat neihpui an ni dawn.

3rd Round-ah hian keyboard leh ṭingṭang bakah, sound track hman phal a ni dawn a, mahni duh ber hla sak tur a ni ang. Top 20 aṭang hian Round 4 (Final Round)-a awm zui turin Top 10 thlan chhuah leh a ni ang.

Praise On 2017-a group hrang hrang zaite hi Audition Round aṭanga zai zawng zawng You­tube-a Hruaina Eng channel-ah dah vek a ni a, a duh tan ena ngaihthlak theih a ni.