EMA Awards-ah Billie Eilish leh a nu chawimawi

Kar kalta kartawpa Environmental Media Awards semah, superstar Billie Eilish leh a nu Maggie Baird-te chu environment humhalhna kawnga an thawh ṭhat avangin EMA Missions in Music Award hlan an ni.

Los Angeles-a Sunset Las Palmas Studios-a hun hmanah hian Eilish-te nufa bakah, sustainable development lama thawh hlawk celeb dangte pawh chawimawina hi hlan an ni bawk.He event hi climate-focused program-a duan vek niin, Eilish-i nu Maggie Baird-i organisation, 'Support + Feed' nen an thawk dun a, climate change leh food insecurity chungchang pholanna turin ei tur pawh organic meal vek buatsaih a ni bawk.

Billie Eilish chuan Award an hlan chu lawmawm a tih thu a sawi rualin, environment humhalhna kawngah a la thawk hlawk lo hlea a hriat thu a sawi. Fashion industry lam pawhin environment-friendly enterprise lam ngaih pawimawh chho tura a duh thu a sawi bawk. A nu pawh chawimawiin, leilung, ransa leh midangte ngaihsak rengtu a nih avangin a fak thu a sawi. Environment lam a ngaihpawimawhna chu a nu in entawn tur ṭha tak a siamsak vang niin a sawi a ni.