Box office-ah sum chevel a tlem

Kar hmasa leh tunkar chhoah Box office lamah cheṭha tiha han sawi tur an awm lo. David O. Russell kutchhuak period drama, hming langsar rual heng, Christian Bale, Margot Robbie, Chris Rock, Anya Taylor-Joy, Zoe Saldaña, Taylor Swift, Rami Malek, leh Robert De Niro-te ho rual inlanna “Amsterdam” chuan North American theater 3,005 aṭangin USD mtd 6.5 chauh a lalut a, pathumna a ni pha ṭawk a ni. He film siamnan hian USD mtd 80 vel an seng a, a changtute leh an senso ngaihtuahin entu an tlem hle a, an senzat hmuchhuak turin hmabak a ko hle. Reviewer tam takin an sawisel nasa hle a, kumin film chhuak zingah an senso ngaihtuahin film hlawhchham ber zinga mi ni thei dinhmunah a ding.

Film thar “Lyle, Lyle, Crocodile” pawhin beisei a phak lo hle a, theatre 4,350 aṭangin USD mtd 11.5 chauh a lalut a, a siamnan USD mtd 50 vel an seng. He film-ah hian zaithiam Shawn Mendes pawhin a aw a thawh a ni.

Thriller film "Smile" chuan USD 18 chuang lalut lehin karhmasa lama a dinhmun ngai a chelh leh a ni.