Rawlthar kum 17 miin Planet thar hmuchhak

National Aeronau­tics and Space Adminis­tration (NASA) chuan vansang enna Transiting Exoplanet Survey Satellite (TESS) hmanga, planet thar an hmuchhuah thu tarlangin, he planet hmuchhuaktu hi rawlthar kum 17 mi Wolf Cukier a nih thu an tarlang. 

Planet thar an hmuchhuah hi "TOI 1338 b" tiin scientist-te chuan a hming an vuah a, kan chenna khawvel aṭanga light year 1,300 hlaa awm a ni tih leh khawvel aiin a let sarih laia lian a nih thu scientist-te chuan an sawi..  

Wolf Cukier hi nikum maia New York-a Scarsdale High School aṭanga zir chhuak a ni a, hemi hnu hian US, Maryland-a Greenbelt a awm NASA's Goddard Space Flight Center-ah intern a ti a ni. He intern a tih chhung hian a hna ber chu TESS hmanga vansanga arsi-te zirchhian a ni a, a thil zirchiante hi science project 'Planet Hunters TESS'-ah a dahlut (upload) zel ṭhin.  

"Intern ka tih aṭanga ni thumnaah system 'TOI 1338' aṭangin signal ka hmu thut mai a, a tirah chuan 'stellar eclipse' emaw ka ti a, mahse 'stellar eclipse' lan hun a ni bawk si lo. Ka enchiang a planet a ni tih ka hre thei a ni," tiin Cukier chuan planet thar a hmuhchhuah dan a sawi.