Ed Sheeran tour programme cancel!!!

Ed Sheeran chu tunhnai khan London khawpuiah bike-in a accident a, a banrek ding lam leh a kiu a tina. Hei vang hian Asia lama tour a neih tur chu pawh a cancel thu a puang.

'Castle On The Hill' hitmaker hian Taipei, Osaka, Seoul, Tokyo leh Hong Kong-ahte tour hi neih a tum a, mahse vanduaina a tawh tak avangin a tihlawhtling thei rih dawn lo a ni. Sheeran chuan, ''Asia-a tour ka neih tur chu vanduaithlak takin cancel a ngai hlauh mai, a pawi takzet a ni. Taipei, Osaka, Seoul, Tokyo leh Hong Kong-a nghakhlel taka min lo thlirtute chungah ngaihdam ka dil a ni" tiin a facebook page-ah a tarlang.

Kum 26 mi Sheeran hian tour a kaltlangpui theih leh theih loh tur chungchangah doctor thutlukna a nghah thu a lo tarlang tawh a, a thutlukna hi a puang zar ta a ni.

Ruahman lawk dan chuan Shee­ran hi Taipei Nangang Exhi­bition Hall-ah October 22 khian inlan tura tih a ni a, hemi hnu hian Osaka-Jo Hall, Seoul Olympic Park, Nippon Budokan leh No­vem­ber 5-a Hong Kong-a AsiaWorld-Expo-ahte inlan zui tur a ni. November thla chhunga Philippines, Indonesia, Malaysia, Singapore, Thailand, India leh United Arab Emirates tlawh a tum chu cancel a ni dawn em tih puan a la ni lo.