Puerto Rico-a chhiat tawkte tan Daddy Yankee a che chhuak

Hurricane Maria chuan tun hnai khan Puer­to Rico a nuai a, chhiatna thleng hi a namai lo hle. Puerto Rico khaw chhuak Daddy Yankee chuan an rama chhiat tawkte hi

ṭanpui an ngaih thu a sawi a, amah ngei pawh ṭanpui ngaite ṭanpui tur hian a che chhuak.

Daddy Yankee hi Luis Fonsi nena 'Despacito' an tihchhuah hnuah a lar vet vet hle a, October 14-a Marlins Park, Miami-ah a concert-ah pawh tel an ṭhahnem hle. He concert hi Puerto Rico-a chhiat tawkte chhawmdawlna tura buatsaih a ni. Hemi ṭum hian Green Dayleh George Strait-te pawh an inlan a, Hurricane Harvey leh Maria-in a nuai avanga harsatna tawkte tan an che chhuak a ni.

Daddy Yankee hian Puerto Rico mipuite chunga vanduaina thleng chu pawi a tih thu sawi­in, harsatna tawkte a lainat thu a sawi. Daddy Yankee hian ṭan­puina tur sum hi $150,000 zet a thawkchhuak tawh a ni.

Puerto Rico singer lar Chayanne pawh harsatna tawkte tan hian a che chhuak a, Marc Anthony, Nicky Jam leh Jennifer Lopez-te pawh an che chhuak bawk.