Disney-in Blade, Deadpool 3, Fantastic Four leh film dang tihchhuah hun sawn hla

Disney chuan thuchhuah siamin, Blade, Deadpool 3, Fantastic Four bakah Marvel film dangte tihchhuah hun tur an sawn hlat thu an puang.

Film tihchhuah hun tur an sawnhlat zinga langsar zualte chu Deadpool 3, Fantastic Four, Blade, Avengers: Secret Wars niin, Marvel film hming tarlan lohte chu calendar aṭanga paih an ni bawk.

Blade director Bassam Tariq-a'n film project a chhuahsan tak avangin he film an tikhawtlai hi mi tam tak rinlawksa a ni.

Marvel Cinematic Universe hi storyline mumal tak neia kal a nih avangin Blade tihkhawtlai hian film dang pawh loh theih lohna avangin an tihchhuah hun an sawn a ngaih phah ta a ni.

Marvel Studios president Kevin Feige chuan July thlaa neih, San Diego Comic-Con-ah khan Phase Six khuhhawnna atan Fantastic Four chu an hmang dawn tih a lo sawi tawh a, Blade leh Deadpool 3 chu Phase Five kharnan an hman tur thu a sawi tel bawk.