Murder, She Wrote leh Beauty and the Beast Star Angela Lansbury a thi

Kum 75 chhung zet big screen, musical theater leh television lama lo inhmang tawh lemchanthiam Angela Lansbury chu Los Angeles-a a chenna inah Thawhlehni khan kum 96 mi niin a boral tih Variety chuan a tarlang a, a thih thu hi a chhungten thuchhuah an siam zui a ni.

Oscar nominee zingah vawi thum a lang tawh a, Tony Awards pasarih bakah “Murder, She Wrote” a chan aṭangin Emmy actress nod vawi 12 a dawng tawh a ni.

Angela hi CBS show “Murder, She Wrote.” aṭangin mite hmelhriat a hlawh chho ṭan a, season 12 zet a chang hman. Golden Globe Awards pawh pali lai a dawn phah hial a, film dang ṭhahnem takah a inlan bawk a ni.